sreda, 25 jul 2018 17:50

Gugl na tastaturama postavio Morseovu abecedu namijenjenu osobama s invaliditetom  

Autor:

Najpoznatiji pretraživač na svijetu Gugl (Google) je kod tastatura (iOS, Android) implementirao “Morseov kod” (“Morse code”), odnosno Morseovu abecedu.

Morseov kod, odnosno Morseova abeceda je abeceda (kod) razvijen tokom 19. vijeka kako bi se mogle slati poruke preko električnih telegrafa. Niste mogli slati telegrafe kao što možete danas, nego ste mogli slati signale (tačke i crtice), od kojih se Morseov kod zapravo i sastoji. Tokom ovih 200 godina se Morseov kod koristio na mnogo načina, ali danas ga, zbog njegove pristupačnosti i jednostavnosti, većinom koriste osobe s invaliditetom, tačnije osobe s oštećenjem vida i/ili sluha.

Morseova abeceda se sastoji od serije tački i crtica koje su zapravo slova (A je “.-“, T je “-“, U je “..-” itd.)

Gugl sada na svojoj tastaturi DžiBord (GBoard) nudi input metodu koja se zove Tastatura na Morseovoj azbuci (“Morse code keyboard”.) Taj projekat je razvijen u saradnji s Tanjom Finlejson (Tania Finlayson), koja je ekspert za ovakvu tehnologiju. Naime, ona je osoba s cerebralnom paralizom i zna važnost iste za relativno normalnu komunikaciju s drugim osobama.

Ako želite da naučite Morseovu abecedu, Gugl je razvio „Igrice za savladavanje kucanja na Morseovoj azbuci“ (“Morse Typing Training game”) (Android, iOS, desktop). Kroz ovu igru možete naučiti ovu abecedu za sat vremena.


Pripremila: Anđela Miličić

Izvor: In portal

Pročitano 139 put(a)

Back to top