Brendovi koji se neprestano nadmeću na tržištu često nas iznenade novinama koje uvode, a ovaj put poznati britanski brend Primark ljestvicu je podigao vrlo visoko. Naime, brend poznat po pristupačnim cijenama svojom poslednjom kampanjom slavi različitost u modnoj industriji. Kako bi predstavili poslednju kolekciju, u kampanju su uključili i model s invaliditetom, što je naišlo na pozitivne reakcije.

Neki od komentara pratilaca na društvenim mrežama su:

“Oprostite, ali ova je manekenka divna. Hvala, Primark, što ste sve prodrmali i pokazali ljudima da su prekrasni upravo onakvi kakvi jesu”, rekao je jedan korisnik Instagrama.

“Ova slika je predivna. Obožavam je iz dubine svog srca!! Hvala Primark!”, komentarisao je drugi.

Različitost u modnoj industriji nije uobičajena. Brendovi su to polako počeli da mijenjaju. Prisjetimo se samo kada je Bijons (Beyonce) angažovala Džulijan Merkado (Jillian Mercado), koja je korisnica kolica, kako bi promovisala svoju Ivi Park (Ivy Park) kolekciju. Pravo je osvježenje vidjeti kako  poznati brendovi, koji imaju snažan uticaj, mijenjaju pogled na invaliditet.

Pripremila: Anđela Miličić

Izvor: www.prvi.hr